İranın məddəniyyət və islami irşad nazirinin müavini Yaser Əhmədvənd  Azərbaycan Respublikasının mədəniyyət naziri Anar Kərimovla görüşmüşdür

Bu görüşdə Azərbaycanın mədəniyyət naziri Anar Kərimov İranın mədəniyyət və islami irşad nazirinin müavinini salamlayaraq  deyib: İran İslam Respublikasının  bu sərgidə iştirakı  bizim üçün iftixardır  və bu gözəl və yüksək səviyyədə iştiraka görə təşəkkür edirik.  İran İslam Respublikası dost və qardaş ölkə olaraq mədəniyyət sahəsində, xüsusən də kitab sahəsində bizimlə birlikdə ola bilər. İrana bir müdddət əvvəl həyata keçirtdiyim səfər zamanı əldə olunan razılaşmalarla bağlı işlər davam edir .. Biz bir-birimizlə müxtəlif mədəni məsələlərdə, xüsusən də kitab və film sahəsində, hətta YUNESKO kimi beynəlxalq təşkilatlar məsələsində əməkdaşlıq edə bilərik. Bu yaxınlarda biz iki ölkə arasında mədəni mübadilə proqramı təklifini hazırlayıb diplomatik kanallar vasitəsilə İrana göndərdik və ümid edirik ki, Mədəniyyət və İslami İrşad nazirinin Bakıda iştirakı ilə bunu imzalaya biləcəyik.

Mədəniyyət və islami irşad nazirinin müavini Yaser Əhmədvənd  bu sərginin açılışında iştirak etmək üçün Bakıya dəvət olunduğuna görə təşəkkür edərək dedi: Bizim Azərbaycanla ümumi cəhətlərimiz çoxdur və bu ölkədə özümüzü yad kimi hiss etmirik. Mədəniyyət amili həmişə ölkələrarası əlaqələrdə mühüm rol oynayıb və bizim aramızda bu amil bütün digər amillərdən güclü olub. Keçən il Azərbaycandan olan dostlar Tehran Beynəlxalq Sərgisində iştirak etdilər və onlar özləri də bu sərginin əhəmiyyətini etiraf edə bilərlər. Üç mindən çox naşirin və 3-5 milyon ziyarətçinin iştirakı ilə Tehran sərgisi dünyanın ən böyük kitab sərgilərindən biridir və sizin bu sərgidə iştirakınız əlaqələrin möhkəmləndirilməsi üçün yeni pəncərə aça bilər . Mən Azərbaycanı gələn il keçiriləcək sərgidə daha yüksək səviyyədə iştirak etməyə dəvət edirəm.