Bazar ertəsi, martın 14-də Azərbaycan Respublikasının Xarici İşlər Nazirliyində İran-Azərbaycan əlaqələrinin 30-cu ildönümü qeyd olundu. İranın Azərbaycandakı səfirinin, Bakıda olan diplomatların iştirak etdiyi bu tədbirdə xarici işlər nazirinin müavini cənab Elnur Məmmədov çıxış etdi.

İranın Azərbaycandakı səfiri cənab Seyid Abbas Musəvi  İran və Azərbaycan Respublikası arasında diplomatik əlaqələrin 30-cu ildönümündə iki ölkənin yaxın gələcəkdə böyük müştərək layihələrinin həyata keçirilməsində əməkdaşlığın başlandığını qeyd edərək dedi: İki ölkə arasında güzəştli ticarətin qurulması ilə biz istehsalda və ixracda irəliləyişin şahidi olacağıq.

Xarici işlər nazirinin müavini Elnur Məmmədov Azərbaycan Respublikası ilə İran İslam Respublikası arasında diplomatik əlaqələrin qurulmasının 30-cu ildönümü münasibətilə təbrik edərək deyib: İran və Azərbaycan arasında uzunmüddətli iqtisadi, siyasi, mədəni və dini əlaqələr həmişə müsbət olub. ” Biz bütün məsələlərdə əlaqələri inkişaf etdirməyə səy edirik. O əlavə edib ki, Azərbaycan Respublikasında tikinti, ticarət, iqtisadiyyat və kənd təsərrüfatı sahələrində fəaliyyət göstərən 2000-dən çox İran şirkəti fəaliyyət göstərir.

Azərbaycan xarici işlər nazirinin müavini yeni yol tikintisi sazişinin imzalanmasına toxunaraq əlavə edib: Azərbaycan Respublikasını İran ərazisindən keçməklə Naxçıvana birləşdirən yeni yol müxtəlif sahələrdə, xüsusilə də iqtisadiyyat, , ticarət və digər sahələrdə daha uğurlu əməkdaşlığa səbəb olacaq. Bu, tranzit, investisiya , nəqliyyat, sənaye, kənd təsərrüfatı və digər sahələrdə kömək olacaq.

Mərasimin sonunda iştirakçılar bu münasibətlə hazırlanmış fotosərgiyə baxdılar.