Xacə Nəsrəddin Tusi Texnologiya Universiteti

Xacə Nəsrəddin  Tusi Texnologiya Universiteti Tehranın ən yaxşı dövlət universitetlərindən biridir və İranın ilk sənaye universitetidir. 1980-ci ildə 9 ali təhsil mərkəzinin birləşməsi ilə Mədəni İnqilab Şurasının təsdiqi ilə qurulan bu universitetin ilkin tarixi 1928-ci ilə təsadüf edir.

Xacə Nəsrəddin Tusi Texnologiya Universitetində 11 fakültə var: Elektrik Mühəndisliyi, Maşınqayırma, İnşaat Mühəndisliyi, Aerokosmik Mühəndislik, Sənaye Mühəndisliyi, Yer Mühəndisliyi, Kompüter Mühəndisliyi, Riyaziyyat, Fizika, Kimya.

 Hazırda bu sənaye universitetində 2 elmi qütb, 194 elmi-tədqiqat və tədris laboratoriyası, 13 tədqiqat mərkəzi, 3 tədqiqat qrupu, 6 elmi-tədqiqat institutu, 11 biliyə əsaslanan şirkət və universitetin ixtisaslaşmış sahələrində fəaliyyət göstərən 28 inkişaf mərkəzi şirkəti var.

Universitetin son onillikdə apardığı strateji siyasət sayəsində son illərdə aspirantura kursları gücləndirilib və bütün universitet tələbələrinin 40%-dən çoxu magistratura və doktorantura pilləsində təhsil alır. Bundan əlavə, universitetdəki elektron tədris kurslarının hamısı magistratura proqramında aktivdir. Universitet həmçinin bir neçə birgə beynəlxalq bakalavr və doktorantura kursları keçirməklə Böyük Britaniya, Fransa, Hollandiya, Almaniya və Rusiyanın bir sıra universitetləri ilə sıx əməkdaşlıq edib. Həmçinin, bir neçə ildir ki, aerokosmik bakalavr kursunda Rusiyanın Mati Universiteti ilə birgə fəaliyyət həyata keçirilir.2020-ci ildə Tusi  Universiteti elektrik və maşınqayırma sahələrində ilk dəfə QS reytinqinə layiq görülüb. İran universitetləri arasında 7-ci yerdə idi və bu institutun qlobal reytinqində dünya universitetləri arasında 450-401-ci yeri əldə etdi. Asian Times reytinqində Xacə Nəsrəddin Tusi Texnologiya Universiteti, 2019-cu ildə olduğu kimi, 2020-ci ildə də Asiya universitetləri arasında 201-250-ci yerdə qərarlaşıb.

Universitet saytına daxil olmaq üçün keçid: https://en.kntu.ac.ir/