İran İslam Respublikasının Ali Rəhbərinin müşavirinin Qafqazdakı proseslər və İran ilə Azərbaycan Respublikası arasındakı əlaqələrlə bağlı mühüm qeydi

Əgər bir gün Azərbaycan Respublikasına yad dövlət hücum edərsə, onları müdafiə edənlərin arasında İran da olacaq.

İranın hakimiyyəti dostlarımıza deyil, İran və Azərbaycanın düşmənlərinə və digər qonşularımıza qarşıdır.

Azərbaycan xalqı gözümüzün işığıdır.

Son günlər bəziləri məlumatsızlıqdan, bəziləri isə pis niyyətindən İranın Azərbaycan Respublikası ilə müharibə etmək istədiyi barədə şayiələr yayırlar.

İranın istər Qafqazda, istərsə də digər yerlərdə heç bir ölkəyə, xüsusən də qonşularına, həmçinin də eyni cinsdən, irqdən, dildən, dindən, adət-ənənədən və tarixdən olan insanlara zərrə qədər təcavüz etmək niyyəti yoxdur.

İran İslam Respublikası bu gün də region xalqının xoşbəxtliyindən başqa bir şey istəmir və regionda heç bir ölkənin ərazisinə hərislik etmir. Əgər bir gün Azərbaycana yad ölkə hücum etsə, onların dayağı İran olacaq.

Arazın şimalında olan Azərbaycanlılar ilə aramızda ayrılıq olsa da, biz sərhədləri götürüb yer tutmağa çalışmırıq. Azərbaycan xalqı öz ölkəsini idarə edir və bu cür yersiz sözlərə, ittihamlara yer yoxdur və onlar (İran və Azərbaycanın düşmənləri) bilməlidirlər ki, boşuna cəhd edirlər. İranın bugünkü qüdrəti elədir ki, onun düşmənləri, o cümlədən Amerika və sionizm onunla hesablaşır, lakin bu, bizim düşmənlərimiz, Azərbaycanın düşmənləri və qonşu dövlətlərin düşmənləri üçündür, dostlarımız üçün deyil.