Təbriz küftəsi

Şərqi Azərbaycan vilayətinin əhalisinin yemək vərdişləri İranın şimal-qərb bölgəsi əhalisinin mədəniyyətini, münasibətini və təbii ki, gəlirlərini ifadə edir. Təbriz küftəsi Şərqi Azərbaycan vilayətinin və xüsusilə Təbriz şəhərinin ən məşhur yerli və ənənəvi yeməklərindən biridir. Bu yemək dadı, ətri, qidalanma xüsusiyyətləri, bişirmə üsulu və forması baxımından təkcə bu əyalətdə deyil, bütün İranda ən məşhur yeməklərdən biridir və çoxlu pərəstişkarları var.

Küftə Yaxın Şərq və İranın müxtəlif yerlərində müxtəlif üslublarda bişirilən yeməkdir. Təbriz küftəsinin digər küftələrdən fərqi hazırlanma üsulunda və tərkibində istifadə olunan inqrediyentlərdədir. Bu yemək Təbriz ailələrində bişirilmə üsulunda cüzi fərqlə bişirilir. Küftə bahadır, dadlıdır, tərkibində istifadə olunan inqrediyentlərin növünə görə yavaş həzm olunur və ağırdır. Bu yeməkdə qiymə, düyü, noxud, qoz, yumurta, soğan, müxtəlif ətirli tərəvəzlər (keşniş, tərxun, cəfəri, nanə, şüyüd), müxtəlif ədviyyatlar (yağ, duz, istiot, sarıkök) tomat və zəfəran var. Əvvəllər bu xörək üçün istifadə edilən ət taxtada döyülürdüsə, bu gün bu yeməyin hazırlanmasını asanlaşdırmaq üçün qiymə istifadə olunur. Küftə bişdikdən sonra sıxılır (adətən yumruq böyüklüyündə) və içərisinə qaynadılmış yumurta, qoz, turşu qoyulur və ən sonda isti soğan və zirinclə bəzədilir. Təbriz küftələri adətən təzə Səngək çörəyi, tərəvəz, qatıq və bəzi yerli ədviyyatlarla yeyilir və dadı çox xoşdur.