Oktyabrın 5- də Bakı Ekspo Mərkəzində VIII Bakı Beynəlxalq Kitab Sərgisi açılıb. Bu sərgidə İran, Türkiyə, Venesuela, Argentina, Albaniya, Gürcüstan, Misir, Qazaxıstan, Özbəkistan, Rusiya və Türkmənistan da daxil olmaqla 14 ölkədən 140-dan çox yerli nəşriyyat və naşir iştirak edir.

Bu il İran İslam Respublikası Azərbaycan hökumətinin rəsmi dəvəti ilə bu sərgidə iştirak edir və İran Kitab və Ədəbiyyat Evi  İran İslam Respublikasının Azərbaycandakı Səfirliyinin Mədəniyyət Mərkəzi ilə birlikdə 40 kvadratmetrlik milli stenddə uşaqlar və böyüklər üçün nəzərdə tutulan ədəbiyyat , iranşünaslıq, illüstrasiya, təsviri incəsənət və digər sahələrə aid 400-dən kitabı təqdim edərək ,  İran nəşriyyatlarını təmsil edirlər .

Mədəniyyət və İslami İrşad nazirinin müavini Yaser Əhmədvənd azərbaycanlı həmkarının rəsmi dəvəti ilə bu sərginin açılış mərasimində iştirak edib.

Azərbaycan Respublikası Baş nazirin müavini Əli Əhmədov, Azərbaycanın mədəniyyət naziri Anar Kərimov, Türkiyə Mədəniyyət nazirinin müavini, mədəniyyət və İslami irşad nazirinin müavini Yaser Əhmədvənd və Azərbaycanın digər rəsmi şəxsləri , o cümlədən Milli Kitabxananın rəhbəri və Azərbaycan Mətbuat Şurasının sədrinin iştirakı ilə  İran Səfirliyinin  Mədəniyyət Mərkəzinin stendində Mədəniyyət Mərkəzinə məxsus Azərbaycanın  Qanun Nəşriyyatı  tərəfindən nəşr olunan “İranın tam rəngli əl işləri” və  İranın İncəsənət Mərkəzi tərəfindən fars və azərbaycan dillərində nəşr edilmiş “ İranın müasir şairlərinin şeirlər toplusu” kitablarının təqdimatı keçirilmişdir .

Təqdimat mərasimində  Yaser Əhmədvənd İranın nəşriyyat sənayesi və bu sərgidə nümayiş etdirilən, Azərbaycan baş nazirinin müavini tərəfindən yüksək dəyərləndirilən bu iki kitab haqqında lazımi izahatları təqdim etdi.O, həmçinin İranın iki müasir yazıçı və şairinin bu sərgidə iştirak etməsini iki ölkənin yazıçıları və nəşriyyatçıları arasında əlaqələrin yaradılması üçün mühüm  ola biləcəyinə diqqət çəkdi. İranın Mədəniyyət Mərkəzinin rəhbəri Qurbanəli Purmərcan da Mədəniyyət Mərkəzinin və İranın Kitab və Ədəbiyyat Evinin milli sərgidə fəaliyyət göstərən milli stendi barədə danışaraq , Azərbaycanın mədəniyyət nazirinə İran İslam Respublikasının bu sərgidə iştirak etməsi üçün yaradılan lazımi şəraitlə əlaqədar təşəkkürünü bildirdi .

  Azərbaycan Respublikasının Baş nazirinin müavini Əli Əhmədov  İran İslam Respublikasının bu sərgidə iştirak etməsini , sərgidə təqdimat üçün yaxşı kitabların seçilməsini , İranın mədəniyyət və islami irşad nazirinin müavinin Azərbaycan Mədəniyyət Nazirliyinin qonağı kimi sərgiyə qatılmasını təqdir etdi .

Həmin gün həmçinin sərgi çərçivəsində İranın məddəniyyət və islami irşad nazirinin müavini Yaser Əhmədvənd  Azərbaycan Respublikasının Mədəniyyət naziri Anar Kərimovla görüşmüşdür .

Bu görüşdə Azərbaycanın mədəniyyət naziri Anar Kərimov İranın Mədəniyyət və İslami İrşad nazirinin müavinini salamlayaraq  deyib: İran İslam Respublikasının  bu sərgidə iştirakı  bizim üçün iftixardır  və bu gözəl və yüksək səviyyədə iştiraka görə təşəkkür edirik.  İran İslam Respublikası dost və qardaş ölkə olaraq mədəniyyət sahəsində, xüsusən də kitab sahəsində bizimlə birlikdə ola bilər. İrana bir müdddət əvvəl həyata keçirtdiyim səfər zamanı əldə olunan razılaşmalarla bağlı işlər davam edir . Biz bir-birimizlə müxtəlif mədəni məsələlərdə, xüsusən də kitab və film sahəsində, hətta YUNESKO kimi beynəlxalq təşkilatlar məsələsində əməkdaşlıq edə bilərik. Bu yaxınlarda biz iki ölkə arasında mədəni mübadilə proqramı təklifini hazırlayıb diplomatik kanallar vasitəsilə İrana göndərdik və ümid edirik ki, Mədəniyyət və İslami İrşad nazirinin Bakıda iştirakı ilə bunu imzalaya biləcəyik.

Mədəniyyət və İslami İrşad nazirinin müavini Yaser Əhmədvənd  bu sərginin açılışında iştirak etmək üçün Bakıya dəvət olunduğuna görə təşəkkür edərək dedi: Bizim Azərbaycanla oxşar cəhətlərimiz çoxdur və bu ölkədə özümüzü yad kimi hiss etmirik. Mədəniyyət amili həmişə ölkələrarası əlaqələrdə mühüm rol oynayıb və bizim aramızda bu amil bütün digər amillərdən güclü olub. Keçən il Azərbaycandan olan dostlar Tehran Beynəlxalq Kitab Sərgisində iştirak etdilər və onlar özləri də bu sərginin əhəmiyyətini etiraf edə bilərlər. Üç mindən çox naşirin və 3-5 milyon ziyarətçinin iştirakı ilə Tehran sərgisi dünyanın ən böyük kitab sərgilərindən biridir və sizin bu sərgidə iştirakınız əlaqələrin möhkəmləndirilməsi üçün yeni pəncərə aça bilər . Mən Azərbaycanı gələn il keçiriləcək sərgidə daha yüksək səviyyədə iştirak etməyə dəvət edirəm.

Qeyd edək ki, VIII Bakı Beynəlxalq Kitab Sərgisi bazar gününə qədər davam edəcək və bu sərginin konfrans salonunda iki  iranlı yazıçı və şair çıxış edəcək.