İran İslam Respublikasının prezidenti ayətullah Seyid İbrahim Rəisi Azərbaycan Respublikasının prezidenti İlham Əliyevə başsağlığı vermişdir

İran İslam Respublikasının prezidenti ayətullah Seyid İbrahim Rəisi şənbə axşamı Azərbaycan Respublikasının prezidenti İlham Əliyevlə telefon danışığında Azərbaycan Respublikasının Tehrandakı səfirliyində baş vermiş hadisə ilə əlaqədar İran dövləti və xalqı tərəfindən başsağlığı vermişdir.
Bu hadisə ilə bağlı aidiyyatı qurumlar tərəfindən hərtərəfli araşdırmaların davam etməsinə toxunan prezident, Azərbaycan xalqının və dövlətinin dərdinə şərik olduğunu bildirdi.
Ayətullah Seyid İbrahim Rəisi həmçinin İran və Azərbaycanın xalqları arasında dostluq və qardaşlıq əlaqələrinin qırılmaz mədəni və tarixi bağlar üzərində qurulduğunu bildirib və bəyan edib ki, İran və Azərbaycan dövlətləri aralarındakı münasibətlərin iki xalqın bədxahlarının eyhamlarının təsiri altına düşməsinə imkan verməyəcəklər.
Azərbaycan Respublikasının prezidenti İlham Əliyev bu telefon danışığında ayətullah Rəisiyə ölkəsinin hökumətinə və xalqının dərdinə şərik olduğuna və başsağlığına görə təşəkkür edib və bildirmişdir : Bu, gözlənilməz cinayət idi, lakin iki ölkənin bununla əlaqədar əməkdaşlığı elə olmalıdır ki, heç kim bu cür hadisələri bəhanə edib iki ölkə arasında dostluq münasibətlərini poza bilməsin.