İran İslam İnqilabının Ali Rəhbərinin Şahçırağ ziyarətgahında baş verən terror hadisəsindən sonrakı mesajı

İnsanların həyatına, təhlükəsizliyinə, müqəddəsliklərinə hörmətsizlik axınına qarşı hamımız həmrəy olmalıyıq

Dünən İran İslam İnqilabının Ali Rəhbəri Ayətullah Xameneinin Həzrət Əhməd bin Musa əleyhissalamın müqəddəs hərəmində onlarla günahsız kişi, qadın və uşağın şəhadətinə və yaralanmasına səbəb olan terror hadisəsi münasibətilə Şiraz camaatına, matəmli ailələrinə və İran xalqına başsağlığı mesakı vermişdir. Mesajda vurğulamışlar: Təhlükəsizlik orqanları və məhkəmə sistemi, eləcə də düşüncə və təbliğat sahəsində fəallar, o cümlədən əziz insanlar bu insanların həyatına, təhlükəsizliyinə və müqəddəsliklərinə etinasızlıq və hörmətsizliyə yol verən cərəyana qarşı birləşməlidirlər.

İran İslam İnqilabının Böyük Rəhbərinin mesajının mətni belədir:

Allahın adı ilə

Həzrət Əhməd bin Musanın (əleyhissalam) müqəddəs hərəmində onlarla günahsız kişi, qadın və uşağın şəhadətinə və yaralanmasına səbəb olan dəhşətli cinayət ürəkləri kədərləndirdi. Bu kədərli cinayəti törədən və ya edənlər mütləq cəzalarını alacaqlar, lakin yaxınlarının dərdi və Əhli-beyt (ə) hərəminin təhqir edilməsinin əvəzi yalnız baş verənlərin kök səbəbini axtarmaqla və bununla bağlı qəti və müdrik addımlar atılmalmaqla ödəniləcək. Ara qızışdıran düşmənin əli ilə və onun xain və ya cahil və qafil əlaltıları ilə mübarizə aparmağa borcluyuq. İnsanların həyatına, təhlükəsizliyinə, müqəddəsliklərinə etinasızlıq və sayğısızlığa yol verən cərəyana qarşı təhlükəsizlik orqanlarından, ədliyyə orqanlarından tutmuş düşüncə və təbliğat sahəsində fəaliyyət göstərən fəallar, əziz insanlar arasında birlik olmalıdır. Əziz millət və məsul qurumlar inşallah düşmənlərin bədxah hiyləsinə qalib gələcəklər.

Bu hadisədə həlak olanların ailələrinə, Şirazlılara və bütün İran xalqına başsağlığı verir, yaralılara Uca Allahdan şəfa diləyirəm.

Seyid Əli Xamenei

27 oktyabr 2022