Nizami Gəncəvinin ədəbi, irfani və dini şəxsiyyəti birlik, dostluq və həmrəylik axtaran insanlar tərəfindən sevilməkdədir. Buna uyğun olaraq, İran hicri-şəmsi təqvimində esfənd ayının 21-i (12 mart) Nizami Gəncəvinin anım günü, Azərbaycan Respublikasında isə 2021- ci il “Nizami Gəncəvi ili” olaraq elan edilmişdir. Bu onu göstərir ki, hər iki xalq bu poetik şairin irfani və mənəvi varlıqlarından bəhrələnməkdədir.

Ümidvarıq ki, Nizami Gəncəvinin əsərlərinin və yaxud bu məşhur şairin fikirləri barədə əsərlərin çap edilməsi ilə dünya xalqları xüsusilədə İran və Azərbaycan xalqları öz ruhlarını və qəlblərini daim Nizami şeiri ilə cilalayacaq və bu onların daha da yaxınlaşmasına səbəb olacaqdır.

Farsdilli şair və poeziya ustası Nizami Gəncəvinin İran və Azərbaycan arasında ədəbi körpü rolunu oynaması iki xalq arasında mədəni əlaqələrin, dostluq və qardaşlığın inkişafında təsirli ola bilər.

Bu böyük şairin fikir və mülahizələri ilə daha yaxından tanış olmaq üçün “Nizami Gəncəvi şeirlərində Novruz və günlər” adlı jurnalı siz əzizlərə təqdim edirik!