Həzrəti İmam Rzanın (ə) həyatı

Həzrəti İmam Rza (ə) 148-ci hicri-qəməri ilinin Zilqədə ayında anadan olmuşdur. O həzrətin künyəsi Əbülhəsən, ləqəbi Rzadır və atası imam Kazim (ə) (183-cü hicri ilində) Bağdad zindanında şəhid olduqdan sonra otuz beş yaşında imamətə çatmışdır. İmam Rzanın (ə) vəfat tarixi haqda ixtilaf vardır; Bəziləri həzrəti imam Rzanın (ə) 202-ci ildə, bəziləri isə 203-cü hicri ilində vəfat etdiyini qeyd etməkdədirlər. Həzrəti imamın (ə) hansı ayda vəfat etdiyi məsələsinə gəldikdə isə, Şeyx Kuleyni və Şeyx Müfid (hansı gündə olduğuna toxunmadan) öz əsərlərində həzrəti İmam Rzanın (ə) Səfər ayında vəfat etdiyini qeyd etmişdirlər. Növbəxti isə, o həzrətin vəfat gününün Səfər ayının sonuncu günü olduğunu qeyd etmişdir. O həzrətin anası Xeyzəran adlanırdı. Bəzilərinin fikrincə, o, Novbə əhalisindən olmuşdur. Adı Ərva, ləqəbi isə Şəqradır. Bəziləri anasının adının Nəcmə, Tüktəm və künyəsinin Ümmül-Bənin olduğunu qeyd etməkdədirlər. ("Əl-Əimmətu isna əşər”, c. 2, s. 342.) .Həzrəti imam Rza (ə) 201-ci hicri qəməri ilinə qədər Mədinədə yaşamış, həmin ilin Ramazan ayında Mərv şəhərinə mühacirət etmişdir. O həzrət, 203-cü ilin Səfər ayında şəhadətə yetirilmiş və Xorasanda (Məşhəd şəhərində) dəfn olunmuşdur  

Maraqlananlar xüsusi jurnalın elektron nüsxəsini aşağıdan əldə edə bilərlər!