Kəlləpaça

Kəlləpaça iranlıların sevimli yeməklərindən biridir və adətən Kəlle Pəzi (kəllə bişirələn yer)və ya Tabbaxi adlı xüsusi restoranlarda təqdim olunur. Yemək İran evlərində də bişirilir. Bu ənənəvi yemək Yaxın Şərqdə və Cənubi Qafqazda eyni şəkildə bişirilir. İran və Türkiyədə “kəllə”, ərəb ölkələrində “paça”, Ermənistan, Azərbaycan və Gürcüstanda isə “xaş” adlanır.

Kəlləpaça qoyunun başından , o cümlədən ət, dil, beyin, göz və üz kimi müxtəlif hissələrdən, eləcə də dörd qolunun alt hissəsindən ibarətdir. Bu yeməyin hazırlanmasında adətən soğan, noxud və müxtəlif ədviyyatlardan (duz, sarıkök və istiot) istifadə olunur. Gec bişən yeməkdir. Bu yemək zərif atəşlə bişirilir və 12 saatdan sonra sobadan çıxarılır və bir qədər soyuması gözlənilir. Daha sonra üzərindəki yağ tamamilə çıxarılır, yeməli hissələr bir boşqaba tökülür və süfrəyə verilməzdən əvvəl sümüklər çıxarılır. Adətən bu yeməyin suyu çörəklə verilir. Bu qida ilə təzə portağal limonunun qəbulu xoş dad yaratmaqla yanaşı, antioksidant xüsusiyyətinə görə tövsiyə edilir.

Adi hallarla yanaşı, ziyafət və şad günlərdə və ya qoyun qurbanından sonra yas mərasimlərində də bişirilir. Yayda və tropik bölgələrdə bu yeməyin istehlakı insanlar üçün ağırdır və çox vaxt soyuq mövsümlərdə tövsiyə olunur. Naharın əsas yeməyi kimi yemək daha yaxşıdır və adətən axşam yeməyi üçün uyğun deyil. Zülal və vitamin baxımından yüksək olmasına baxmayaraq, bu qida hər kəsə tövsiyə edilməyən xolesterin və yağ turşularında da yüksəkdir.